طبيبك ┃ Tabeebak
سياسة الخصوصية
آخر تحديث: 19 تشرين الثاني 2026 • يسري على تطبيق «طبيبك» (com.tabebk.iq).
شنو نجمع
- الحساب: اسمك ورقم هاتفك وكلمة سر محفوظة مشفّرة (ما نكدر نشوفها).
- الحجوزات: المكان، اليوم والوقت، اسم المراجع، وأي ملاحظة تكتبها للعيادة.
- العائلة (اختياري): أسماء اللي تضيفهم، صلة القرابة وسنة الميلاد.
- السجل الصحي (اختياري): الوصفات والتحاليل والصور اللي ترفعها. تنحفظ بمكان مقفول وما تنفتح إلا من حسابك.
- الموقع: بس لمن تضغط «موقعي» أو «الأقرب لي»، حتى نحسب المسافة على موبايلك. ما نحفظ موقعك.
- التقييمات والشكاوى اللي تكتبها، وتوكن الإشعارات حتى نوصلك تأكيد المواعيد والتذكير.
منو يشوف بياناتك
- العيادة أو المختبر اللي حجزت عنده يشوف اسم المراجع ورقمك ووقت الموعد وملاحظتك، بس لحجوزاته.
- السجل الصحي وملف العائلة ما يشوفهم أحد غيرك، لا العيادة ولا الإدارة.
- التقييم يطلع باسمك الأول بس.
- ما نبيع بياناتك وما نعرض إعلانات من جهات ثانية. نستخدم Google Firebase للإشعارات بس.
الحماية والاحتفاظ
البيانات تنتقل مشفّرة (HTTPS) وتنحفظ على سيرفرنا، ونسوي نسخ احتياطية يومية. نحتفظ بيها طول ما حسابك موجود.
حذف حسابك وبياناتك
من التطبيق: المزيد ← «حذف الحساب». ينحذف حسابك وحجوزاتك وتقييماتك وعائلتك وسجلك الصحي وصوره وإشعاراتك وشكاواك نهائياً.
بدون التطبيق: تواصل ويانا من «تواصل معنا» بالتطبيق أو من رقم الدعم، ونحذفها خلال 7 أيام.